Fəaliyyət istiqaməti

Mərkəzin başlıca məqsədi milli və beynəlxalq qiymətləndirmə standartlarının tətbiq edilməsi ilə ölkəmizdə əmlak sahəsində peşəkar qiymətləndirmə və tədqiqat xidmətlərini təşkil etməkdir.

• Qiymətləndirmə xidmətləri
• Tədqiqat xidmətləri
• Tətbiq edilən standartlar

Azərbaycan Respublikasının qanunvericiliyi ilə müəyyən edilmiş qaydada daşınar və daşınmaz əmlaklara dair qiymətləndirmə və tədqiqat xidmətlərini təqdim edir. Qiymətləndirmə və tədqiqat işlərinin həyata keçirilməsi müəssisə və təşkilatların idarə edilməsində,məhkəmə mübahisələrinin həll olunmasında,investisiya layihələrinin icrasında,əmlak sənayesində,ipoteka,kredit,lizinq və sığorta biznesində əsas yer tutan məsələlərdən biridir. Mərkəzin başlıca məqsədi milli və beynəlxalq qiymətləndirmə standartlarının tətbiq edilməsi ilə ölkəmizdə əmlak sahəsində peşəkar qiymətləndirmə və tədqiqat xidmətlərini təşkil etməkdir. İqtisadi idarəetmənin əsas bloklarından biri hesab edilən qiymətləndirmə fəaliyyəti özündə bir çox elmi bilikləri cəmləşdirir.Odur ki, qiymətləndirmə fəaliyyəti ilə məşğul olan şəxslərin iqtisadi,riyazi,statistik,hüquq və sosial elmlər üzrə biliklərə sahib olması mütləq şərtdir. Qeyd olunanları nəzərə alaraq Mərkəz kadr seçiminə xüsusi diqqət göstərərək müvafiq ali təhsilə,ixtisaslaşma sertifikatına və iş təcrübəsinə malik olan mütəxəssislərdən ibarət peşəkar kadr heyəti formalaşdırmışdır.